تْهَاذِين سُّوْرَا ن سِيدْنَا لُوقَا زݣ لْإِنْجِيل ن سِيدِيْنغ عِيْسَى لْمَسِيح. نتَّا يدْجن زݣ ئِمحْضَارن نّس لُّوْلِـيِين. لكْتَاب-أَذ يتْتَرْجم س تْمَازِيغْت ن غُمَارَا يعْنِي يدْجن لُّغَا ن لْمغْرب (تَغُوْمَارِيت). لكْتَاب-أَذ ن سِيدْنَا لُوقَا نتَّا سُّوْرَا تْلَاتَا ݣِي لْإِنْجِيل. سِيدْنَا لُوقَا اَݣِيل يسّن رُّسُل ن سِيدِينغ عِيْسَى س دّْمَاغ نّس، ئِتْصَفَر إِيْذسن اَمْڬَا اَي تْبشَّرن.
هَامْڬَا يقّر لكْتَاب ن سِيدْنَا لُوقَا ݣِي 2: 8-14، أَݣِيل دَاس دَار لْجِهَا يَاهن ئِڬْسَاون حدِّين تِينْغُوْرَا نْسن ݣِي لِّيل. 9 تدَّا-ذ يَاه ن لْمَلَائِكَا ن سِيدِي ربِّـي تبْدّذ دَاغَرْسن، ئِتْشعْشَاع نُّور ن لْعَظَمَا ن سِيدِي ربِّـي ئِدوَّار خَفْسن ڬْصُوْطن بزَّاف. 10 تنَّا-ٱسن لْمَلَائِكَا يَاهن: "مَا يَا ڬْصُوْطم شِي. نكّ تْبشَّارغ-اَون س يَان ن لخْبَر مقُّوْر بزَّاف دَا فْرَح زْݣَاس كُلْشِي شَّعْب. 11 ئِخْلق نْهَارَاذ ݣِي لْبِـيلَاج ن دَاود ؤُهن أَلَّا شَاون ئِنَجِّي، نتَّا سِيدِينغ لْمَسِيح. 12 كُونَّا دَا وْفم يَاه ن لْعَلَامَا دَا وْفم يَان ن تْرَابِي مْصمّت ئِطّص ݣِي لْمذْوذ." 13 عْلَاغفْلَا ظَهْرن إِيذ لْمَلَائِكَا أَهن بزَّاف ن سُّكَّان ن ٱنَّا حمّْذن ربِّـي قَّرن: 14 "لْعَظَمَا إِ ربِّـي أَلَّا عَالِي، ئِي لهْنَا إِ ؤُهِين ݣِي تَرْحَابْت خمّن ئِرْضَا."
وَرَّكْ عْلَى الرَابِت عْلَى الشْمَال بَاش تَقْرَا أَوْلَا تْنَزَّل الكِتَاب دْيَال سِيدْنَا لُوقَا من الإِنْجِيل دْيَال سِيدْنَا عِيْسَى المَسِيح بالشَّلْحَة دْيَال غُمَارَة.
